Күкшел авылындагы янгын күзәтчелеге бүлегендә тактик өйрәнүләр үткәрелде

Күкшел авылындагы янгын күзәтчелеге бүлегенең шәхси составы белән Мәчкәрә мәктәбендә шартлы янгынны сүндерү буенча төнге тактик өйрәнүләр үткәрелде. Аның максаты – хәлне бәяләү күнекмәләре булдыру, кешеләрне эвакуацияләү, хезмәт күрсәтүче персонал белән бергә эш итү, янгын сүндерү ысулларын, төнге вакытта коткару эшләре башкаруны үзләштерү, һөнәри осталыкны арттыру иде.

Әлеге өйрәнүләр нәтиҗәләре күрсәткәнчә, шәхси состав куелган бурычларны төгәл үтәде. Шартлы янгынны сүндерүдә бер берәмлек техника һәм өч хезмәткәр катнашты. Алар халык күп була торган объектларда янгыннар белән көрәшү буенча осталыкларын күрсәттеләр.