Июнь аенда Татарстанда температура нормадан ярты градуска югарырак булачак

Июньдә Татарстанда, Казанны да кертеп, уртача айлык температура климатик нормадан ярты градуска югарырак булачак. Бу хакта ТР Гидрометеорология һәм әйләнә тирә мохитне күзәтү идарәсе хәбәр итә, дип яза «Татар-информ» МА.

Республикада июнь ае өчен климатик норма +17,8, ә Казанда +18,3 градуска тигез, дип искәртә метеорологлар.

Шул ук вакытта, айлык явым-төшем күләме климатик нормага (Татарстанда ул – 60, Казанда 57 миллиметр тәшкил итә) якын булачак.

Фото: Эльвира Иванова/ «Хезмәт даны»