Янгын Кукмара районында торак йорт һәм мунчаны юкка чыгарган
Фаҗига Аш-Буҗи авылында килеп чыга.
Кичә сәгать 01.07дә Кукмара районының Аш-Буҗи авылы, Дорожная урамында торак йорт яну турында хәбәр алына. Бу хакта районның 117нче янгын-коткару хезмәте начальнигы Илмир Хәбибрахманов хәбәр итте.
Ялкын телләре йорт һәм мунчаны чолгап алган, күрше өйгә дә күчү ихтималы була.
Янгын вакытында 115 квадрат метр мәйданда торак йорт, веранда, мунча кара күмергә әйләнә, 9 квадрат метр мәйданда каралтының түбәсенә зыян килә. Һәлак булучылар һәм зыян күрүчеләр юк.
Янгын чыгуның якынча фаразы — электр чыбыкларын монтажлау кагыйдәләренең үтәлмәве.
фото: районның 117нче янгын-коткару хезмәте
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев