Фоторепортаж: Кукмарада Балаларны яклау көне уңаеннан бәйрәм уздырылды
Бәйрәм кунаклары мәктәп укучылары һәм мәктәпкәчә яшьтәге балалар иде. Алар өчен балалар сәнгать мәктәбе укучылары тарафыннан концерт оештырылды.
Район Мәдәният йортында Балаларны яклау көненә багышланган бәйрәм чарасы уздырылды. Тамашачылар “Урман аланында” дигән кызыклы музыкаль әкият, шулай ук яшь башкаручылар, вокаль ансамбльләре һәм тел осталарының чыгышларын карадылар. Алар - балалар сәнгать мәктәбендә тәрбияләнүчеләр.
ЮХИДИ инспекторлары балалар белән юл хәрәкәте кагыйдәләрен үтәү буенча кызыклы уеннар үткәрде. Кукмара балалар үзәк китапханәсе хезмәткәрләре “Укучының мәдәни көндәлеге” республика конкурсы призерларын тәбрикләде. Чарадан бөтен кеше яхшы кәеф белән таралды.
Эльвира МӨБАРӘКШИНА фотолары
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев