Фото: Байлангарда "Ул беренче космонавт белән бергә хезмәт итте" дигән чара узды

Байлангар мәдәният йортында 12 апрель - Космонавтика көне уңаеннан "Ул беренче космонавт белән бергә хезмәт итте" дип исемләнгән чара узды. Шул уңайдан мәдәният йортының фойесында бай эчтәлекле күргәзмә оештырылды. Әлеге чарада дөньяда беренче очучы-космонавт, ватандашыбыз Юрий Гагаринны якыннан күргән, аралашкан, аның белән 3 ел дәвамында янәшә хезмәт иткән якташыбыз, Байлангар авылында туып-үскән, бүгенге көндә Свердловск өлкәсендә гомер итүче Мәкъсүт Насыйбуллинның тормыш юлы, онытылмаслык якты шәхес Юрий Гагарин белән ничек танышулары хакында язылган "Бай угланнар" китабынын авторы, хезмәт ветераны, авылның хөрмәтле кешесе Ярмиев Рафаэль Камал улы бик эчтәлекле чыгыш ясады.