“Форпост” егет-кызлары белән түгәрәк өстәл артында әңгәмә үткәрелде

Коррупциягә каршы караш формалаштыру, хокук белеме һәм хокукый культура дәрәҗәсен арттыру максатыннан, районның “Форпост” әгъзалары белән “Коррупция һәм кеше хокуклары” темасына түгәрәк өстәл артында әңгәмә үткәрелде.

Активистлар “коррупция” төшенчәсе, аның төрләре, коррупция белән бәйле җинаятьләрнең еш кына җәзасыз калуның сәбәпләре турында фикер алыштылар, коррупция күзәтелергә мөмкин булган барлык өлкәләрне дә барлап чыктылар. Чара ахырында “Коррупцияне ничек җиңәргә була?” дигән сорауга катнашучылар “Әйдәгез, үзебездән башлыйк!” дип җавап кайтардылар.