Чишмәбаш мәктәбе укучылары Кукмара металл савыт-сабалар заводына сәяхәт кылдылар

Чишмәбаш мәктәбе укучылары Кукмара металл савыт-сабалар заводына сәяхәт кылдылар. Ринат абыйлары укучыларны цехлар, алардагы эш шартлары белән таныштырды. Чималның ничек итеп әзер продукциягә әйләнүен, шулай ук авылдашлары Рәйхан, Салават, Фәнил, Данил абыйларының эшләгәннәрен үз күзләре белән күрү укучыларда зур кызыксыну уятты. Ринат абыйлары укытучыларга, балаларга һәм аларны бирегә алып килгән әтиләргә бүләкләр өләште. Сәяхәт барышында алган җылы тәэсирләр күңелләрдә озак сакланыр әле, дип хәбәр итте Суфия Шәфигуллина.