Балтач-Шәмәрдән трассасында йөк машинасы шоферы, идарәне югалтып, юл кырыена төшеп киткән

Татарстанда ЮХИДИ хезмәткәрләре машина йөртүчегә кюветтан фураны тартып чыгарга ярдәм иткән. Бу хакта республика ЮХИДИ идарәсеннән хәбәр иттеләр.

Балтач – Шәмәрдән трассасында полиция лейтенанты Раниф Галимбәков һәм полиция өлкән сержанты Равил Вәлиев кюветка төшкән «МАЗ» йөк машинасы күргәннәр.

Машина йөртүче трассада идарәне югалтып юл кырыена төшеп киткәнлеген әйткән. Нәтиҗәдә, фура карда батып калган.

Татар-информ

Фото: ГИБДД РТ