Армиядә хезмәт итүче егетләребез белән горурланабыз

Чишмәбаш авылының биш асыл егете бүгенге көндә Рәсәйнең төрле почмакларында хәрби хезмәтен үти. Рамазан Әхмәтшин– Воронеж өлкәсе, Богучар шәһәрендә, танкларга каршы артиллерия дивизионында. Зиннур Билалов - Дзержинский шәһәрендә, автомобиль гаскәрләрендә хезмәт итә. КамАЗ машинасында Мәскәү, Казан, Санкт-Петербург шәһәрләренә командировкаларга йөри. Рифнур Галимуллин– Сочи шәһәрендә, һава гаскәрләрендә, Инсаф Корбанов– Мәскәү астында, Алмаз Нәҗметдинов исә Чиләбедә, хәзерге вакытта хәрби укуда.
Безнең егетләр кайсы якларда гына хезмәт итсәләр дә, сынатмыйлар, Кукмара данын югары тоталар. Ә без – укытучылар, үзебезнең укучыларыбыз белән чын күңелдән горурланабыз, алар белән хәбәрләшеп торабыз. Газиз әниләренә сабырлык, әтиләргә түземлек телибез. Егетләрнең изге бурычларын үтәп, туган якларга исән – имин әйләнеп кайтуларын көтеп калабыз.
Суфия ШӘФИГУЛЛИНА, башлангыч сыйныфлар укытучысы