2026 елда Татарстанда кемнәрнең пенсиягә чыгуы билгеле

Татарстанлыларның кайберләре 2026 елда пенсиягә чыга алачак. Бу хакта «Татар-информ» хәбәр итә.

Пенсия реформасының күчеш этабы
2025 елда татарстанлылар, гомуми кагыйдәләр буенча, пенсия реформасы белән бәйле күчеш чоры дәвам иткәнгә күрә, яшь буенча пенсия рәсмиләштерә алмаячак.

2018 елның 3 октябрендәге 350-ФЗ номерлы Федераль закон нигезендә, Россиядә пенсиягә чыгу яше акрынлап арта. Бу процесс 10 елга исәпләнгән — 2019 елдан 2028 елга кадәр.

Нәтиҗәдә пенсия яше биш елга артачак: хатын-кызлар пенсиягә 60 яшьтә чыга алачак, ә ирләр — 65 яшьтә.

2026 елда кемнәр пенсиягә чыга алачак?
2026 елда гомуми кагыйдәләр буенча пенсиягә 1962 елгы ир-атлар (аларга 64 яшь тула), һәм 1967 елгы хатын-кызлар (аларга 59 яшь була) чыга алачак.

Моннан тыш, 2026 елда вакытыннан алда пенсиягә чыгу хокукына ия татарстанлылар лаеклы ялга чыга алачак.

Фото: «Татар-информ» МА