16 ел элек югалган кыз табылган

admin, 24 декабрь 2019 - 21:27

1929

2003 елда кыз психоневрология диспансерына эләгә, бу елларда туганнары аның турында бернәрсә белми.

Аны Красноярскидагы кибет витринасы каршында тапканнар. Ул сатучыларның сорауларына җавап бирә алмаган, кем икәнен хәтерләмәгән, үз исемен Юля дип кенә әйтә алган.
Аның шәхесен ачыклый һәм туганнарын таба алмыйлар, гәрчә кызның фотосурәтләре белән ориентирлар бөтен ил буйлап таратылган булса да. Тикшерүдән соң Юляны психодиспансерга җибәрәләр, ул анда 16 ел гомерен үткәрә.

2019 ел башында шәһәрнең "Югалган балаларны эзләү" оешмасы аның туганнарын эзләү белән шөгыльләнә башлый.

"Без бу кыз турында күптән түгел генә белдек һәм социаль челтәрне эзләүгә җәлеп итәргә булдык, — дип аңлата аның җитәкчесе Оксана Василишина. - Без якыннары җиде ел дәвамында таба алмаган, ә социаль челтәрләрдә ориентирлар таратканнан соң туганнарын өч көн эчендә тапкан гаиләне беләбез».

20 декабрьдә волонтерларга югалган сеңлесен тануын белдергән ир шалтырата. Аның туганнарының, әнисенең һәм әтисенең исемнәре "Югалган балаларны эзләү"дә булган мәгълүматларга каршы килми.

Туганнары юкка чыкканчы Юляның Томскида яшәгәнен әйтә. Алар аны өйләренә алып кайтырга рөхсәт бирерләр дип өметләнә.