Кукмара районында өлкән яшьтәге кешеләргә ярдәм күрсәтү өчен волонтерлар төркеме оештырылды
Волонтерлар өлкән яшьтәге гражданнарга азык-төлек, дару препаратлары китереп торачак һәм коммуналь хезмәтләр өчен түләячәк.
Короновирус эпидемиясенә бәйле рәвештә ялгыз яшәүче өлкәннәргә ярдәм күрсәтүгә кагылышлы сорауларны хәл итү өчен районда эшче группа төзелде.
Өлкәннәргә азык-төлек, дарулар алып кайту, коммуналь хезмәтләргә түләү буенча ярдәм күрсәтү өчен эшче яшьләрдән волонтерлар отряды төзеләчәк. Өлкәннәрдән шалтырату кабул итү өчен «кайнар линия» телефоны булдырылды. Әлеге телефонга - Кукмара шәһәренең Степан Разин урамындагы «Тылсым» социаль хезмәт күрсәтү үзәгенең 8(84364) 2-84-37 номерына ялгыз яшәүче өлкәннәр шалтыратып, үз гозерләрен җиткерә алалар.
Игътибар! Волонтерларга махсус таныклыклар биреләчәк. Мошенникларга юлыкмас өчен алардан шушы таныклыкларны таләп итәргә кирәк.
фото: Рамиль Гали
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев