Яңа ел белән! (шигърият)

Эт елына кереп барабыз бит,

Эш артыннан булыр чабасы.

Безнең җиңнәр һәрчак сызганулы,

Язсын гына бәхет табасы.

Эт инде ул сакчыл җан иясе,

Әрәм итмәс һич тә тапканын.

Яхшы караш булса үз ягына

Ял дип санар эшкә чапканын.

Әтәч елымы ул, Эт елымы -

Булса да ул кайсы ел гына.

Барысы да үзебездән тора,

Узсын дисәң гомер тын гына.

Яңа еллар котлы булсын, дуслар,

Тыныч кына торсын дөньясы.

Яшел чыршы тирәсендә бер дә

Шатлык тавышлары тынмасын!