Туембашта балалар бакчасы һәм спорт мәйданчыгы төзелде(+фото)

Бүген Туембаш авылында берьюлы ике бәйрәм булды. Иң элек Туембаш халкы гына түгел, күрше Чуллы авылында яшәүчеләр дә күптән көткән балалар бакчасы төзелү уңаеннан бәйрәм тантанасы булса, Туембаш төп мәктәбендә балалар өчен спорт мәйданчыгы ачылды. "Строй-Гарант" оешмасы төзүчеләре тырышканнар, ике объектны да кыска срокларда һәм сыйфатлы итеп файдалануга тапшырдылар. Әлеге төбәк халкы белән бергә аларның шатлыкларын район җитәкчесе Сергей Димитриев, якташлары -Татарстан Республикасы авыл хуҗалыгы һәм азык төлек министры урынбасары Илдус Габдрахманов, "Строй-Гарант" төзелеш оешмасы җитәкчесе Илсур Шәриповлар уртаклаштылыр.