Татарстанда коронавирус белән зарарлануның 29 яңа очрагы расланган

Татарстанда тәүлек эчендә Covid-19 белән зарарлануның 29 яңа очрагы расланган. Бу хакта коронавирус буенча оператив штаб хәбәр итә, дип яза «Татар-информ».

9 кеше хастаханәгә урнаштырылган, 20 кеше өйдә дәвалана. Бер очрак – читтән кертелгән, калганнары - элемтә нәтиҗәсендә.

Казанда коронавирус йоктыруның 12 очрагы ачыкланды, Арча районында - 3, Әлмәт һәм Лениногорск районнарында - 2шәр, Яр Чаллы, Югары Ослан, Алабуга, Яшел Үзән, Лаеш, Түбән Кама, Питрәч, Саба, Спас районнарында - берәр.

Татарстанда бу бөтен вакыт эчендә 5215 Covid-19 очрагы теркәлгән, 4075 кеше терелгән.

фото:  «Татар-информ»