Татарстан Президенты Рөстәм Миңнеханов үзенең эш сәфәре вакытында "Урал" хуҗалыгы территориясендә булды (фото)

Бүген Кукмарага Татарстан Президенты Рөстәм Миңнеханов килде. Президентны республика авыл хуҗалыгы һәм азык-төлек министры Марат Әхмәтов, район башлыгы Сергей Димитриев һәм "Урал" хуҗалыгы җитәкчесе Газинур Хәбибрахманов каршы алды. Басу-кырларны караганнан соң, Рөстәм Миңнеханов урып-җыю эшләрендә катнашучы механизаторлар, авыл хуҗалыгы җитәкчеләре, җирлек башлыклары белән очрашты. Шуннан соң Татарстан Президенты "Урал" хуҗалыгының Түбән Казаклар авылында урнашкан мега-фермада булды. Ул анда мең баш сыерга исәпләнән мал торгагын, "карусель" тибындагы савым залын һәм силос траншеяларын карады, ул әлеге хуҗалык эшчәнлегеннән канәгать булуын белдерде.

Лилия Нургалиева, Ризилә Корбанова фотолары