Сергей Димитриев март аеның юбилярларын бәйрәмнәре белән котлады

Март аенда Югары Арбашта яшәүче Мәйсүфә Рәхмәтуллина, Иске Йорттан Мәбрүрә Мәүликаевалар 95 яшьлек юбилейларын билгеләп үтә, Кукмарадан Минҗиһан Сибәгатуллинага, Ядегәрдән Кәримә Габделбариевага, Югары Комардан Зоя Пахомовага, Өлгедән Саҗидә Гайнановага, Мәчкәрәдән Наилә Хисановага, Куркинодан Туктабей Сабанчеевага, Зур Кукмарадан Нурҗиһан Шәриповага, Кәчимирдән Шәрифулла Абдуллинга, Иске Юмьядан Елизавета Павловага, Түбән Өскебаштан Роза Хәсәншиналарга 90 яшь тула.

Район башлыгы Сергей Димитриев ветераннарны олуг юбилейлары белән ихластан котлый, аларга күңел тынычлыгы, сәламәтлек, балалары, оныклары һәм якыннарының хөрмәтен тоеп яшәүләрен тели.