Сергей Димитриев кукмаралыларны һәм кунакларны Җиңү бәйрәме белән котлады
"Бүгенге көндә арабызда булган ветераннар, тыл хезмәтчәннәре алдында башыбызны иябез. Көрәш кырындагы аяусыз батырлыгыгыз, фидакарь хезмәтегез һәм безгә бүләк иткән тыныч күк йөзе өчен сезгә зур рәхмәт", - диелә котлауда.
Район башлыгы Сергей Димитриев кукмаралыларны һәм кунакларны Җиңү бәйрәме белән котлады.
- Хөрмәт һәм олы ихтирамга лаек булган ветераннарыбыз, көнне төнгә ялгап, тылда хезмәт куйган, үсмер килеш тормыш арбасына җигелергә мәҗбүр булган өлкәннәребез, әби-бабайларыбыз! Сезне ихлас күңелдән барлык буын вәкилләрен дә берләштерүче зур бәйрәм - Җиңү көне белән тәбриклим, - диелә котлауда. - Миллионлаган кешеләрнең гомере һәм сәламәтлеге бәрабәренә яуланган көн бит ул - 9 Май.
Бүгенге көндә арабызда булган ветераннар, тыл хезмәтчәннәре алдында башыбызны иябез. Көрәш кырындагы аяусыз батырлыгыгыз, фидакарь хезмәтегез һәм безгә бүләк иткән тыныч күк йөзе өчен сезгә зур рәхмәт. Үзегезгә һәм якыннарыгызга сәламәтлек, бәхет, тынычлык һәм уңышлар телим!
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев