Сергей Димитриев кукмаралыларны 1 Май бәйрәме белән котлады

Район башлыгы Сергей Димитриев кукмаралыларны 1 Май бәйрәме белән котлады.

«Бу бәйрәм – хезмәт кешесенә карата олы хөрмәт билгесе. Бүген һәр тармакта барган уңай үзгәрешләргә районыбыз халкының һәркайсы үзеннән зур өлеш кертә. Сәнәгать предприятиеләрендә югары сыйфатлы продукция җитештерелә, эшмәкәрлек көннән-көн үсә, авыл хуҗалыгында язгы кыр эшләре оешкан төстә бара, социаль-чисталык икеайлыгы кысаларында әйләнә-тирәбез тәртипкә китерелә. Уртак тырышлык белән киләчәктә дә районыбыз тотрыклы үсеш алыр, һөнәрле, тырыш халкыбыз мул тормышта яшәр дип өметләнәм. Иң мөһиме - күгебез аяз булсын, ил тынычлыгы өчен көрәшүче якыннарыбыз туган якларга исән-сау әйләнеп кайтсын», - диелә котлауда.