Районда терлекләргә азык хәзерләү бара

Һава шартлары кыр эшләрен башкарырга тоткарлык ясаса да, һәр чара планлаштырылган тәртиптә дәвам итә. Авыл хуҗалыгы һәм азык-төлек идарәсеннән алынган мәгълүматларга караганда, бүгенге көнгә 26 мең гектарда чәчүлекләр корткыч бөҗәкләргә, 40 мең гектарда чүп үләннәренә, 27 мең гектарда төрле авыруларга каршы эшкәртелгән. 26 мең гектарда игеннәр яфрактан тукландырылган. Терлекләргә азык хәзерләү бара: хуҗалыкларда барлыгы 87 мең тонна сенаж, 14 мең тонна печән тупланган, 2,5 тонна дару үләннәре җыелган.