Район мәктәпләре Казан ярминкәсендә сату итте

Район мәгариф идарәсе, мәктәптән тыш эшләр үзәге, кичке мәктәп, барлык урта мәктәпләр Казанның Парк Хаус әүдә-күңел ачу үзәгендә ярминкәдә катнашып, сату итеп кайттылар. Башкала халкына барлык төр авыл хуҗалыгы продукциясе, бал, үрелгән кәрҗиннәр, хәтта кул эшләнмәләре дә тәкъдим ителде. Республиканың авыл хуҗалыгы һәм азык-төлек министры Марат Әхмәтов, хезмәт, мәшгульлек һәм социаль яклау министры Айрат Шәфигуллин, мәгариф министры Энгель Фәттаховлар, сәүдә рәтләре белән танышып, ярминкәнең оештырылуына югары бәя бирделәр. Һәр учреждениегә министрларның имзалары белән Рәхмәт хатлары тапшырылды.