Район башлыгы Сергей Димитриев февраль аеның ветераннарын юбилейлары белән котлый

(Кукмара, "Хезмәт даны"). Кукмарада яшәүче Алексеева Федора Григорьевна 1 февральдә үзенең 95 яшьлек юбилеен билгеләп үтә. 2 февральдә Кукмарадан Минһаҗева Хәнифә Йосыф кызына да 95 тула. 5 февральдә Күкшелдән Фәйзрахманова Разыя Фәйзрахман кызы, 6 февральдә Ташлы Елгадан Гафиев Мәсләви Гафи улы, 8 февральдә Лельвиждан Платонов Петр Кондратьевич, 10 февральдә Камышлыдан Нәбиуллина Шәмсинур Фатыйх кызы, 17 февральдә Чуллыдан Әсләхетдинова Рәхимә Әсләхетдин кызына 90 яшь тула.

Район башлыгы Сергей Димитриев ветераннарны олуг юбилейлары белән ихластан котлый, аларга күңел тынычлыгы, сәламәтлек, балаларының, оныкларының, якыннарының хөрмәтен тоеп яшәүләрен тели.