Район башлыгы сентябрь аеның юбилярларын бәйрәмнәре белән котлады

Сентябрь аенда Аман-Оштырма авылында яшәүче Закирә Вилданова 95 яшьлек юбилеен билгеләп үтә, Кукмарадан Мәфрузә Шәрифҗановага, Өркештән Фатыйма Галәвиевага, Кәркәүчтән Миңсылу Әхтәмовага, Кәчимирдән Мансур Дәүләтшинга, Тәмәйдән Габидулла Шәйхетдиновларга 90 яшь тула.

Район башлыгы Сергей Димитриев ветераннарны олуг юбилейлары белән ихластан котлый, аларга күңел тынычлыгы, сәламәтлек, балаларының, оныкларының, якыннарының хөрмәтен тоеп яшәүләрен тели.