Лубян урман-техник көллияте проекты 20 мең сумлык сертификатка лаек булды

Казанның IT-паркында “Безнең Татарстан. Мөмкинлекләр территориясе” дигән IX республика яшьләр форумы үтте. Анда республиканың иң яхшы 20 проекты вәкилләре үз идеяләрен тәкъдим иттеләр.

Лубян урман-техник көллияте хезмәткәрләре “Заповедная сказка” проекты белән “Кече ватан территориясе” профильле мәйданчыгында финалист булдылар. Аларга 20 мең сумлык сертификат тапшырылды.

“Заповедная сказка” проекты – ул балаларда өзлексез экологик белем бирү өчен шартлар тудыруга юнәлтелгән экологик-туристик сукмак. Төрле биремнәр белән гадәти булмаган маршрут Лубян авылының Аккош паркы буенча узар дип күздә тотыла.