Кукмараның «Пятерочка» кибете турындагы хәбәр – фейк

«Әле Рудник янындагы “Пятерочка”ны бер төркем яшьләр талап чыкканнар. Хәзер бөтен кеше маска белән бит. Маскалар, перчаткалар киеп кергәннәр, аласы бөтен нәрсәләрне алып, кассада пробивать иттергәч, түләмичә чыгып киткәннәр. Кассир артларыннан йөгереп чыккач, кто деньги отдаст дип, Владимир Владимирович Путин дип, машиналарына утырып киткәннәр. Номерлары закрытый, ди».

Күпләрнең кәрәзле телефонына бүген әнә шундый хатлар килде.

«Полиция хезмәткәрләре әлеге хәбәрне тикшерде, кибеттә булды, сатучылар белән аралашты. Хәбәрнең фейк, ягъни ялган булуы ачыкланды», - дип хәбәр итте район эчке эшләр бүлеге начальнигы Рамил Нургалиев.