Кукмаралыларга император правослау Палестин җәмгыяте таныклыклары тапшырылды

Узган ел районда «Император Правослау Палестин җәмгыяте» Халыкара иҗтимагый оешмасының Кукмара җирле бүлеге оешкан иде.
Бүген җәмгыятьнең Татарстан бүлеге рәисе Дмитрий Хафизов һәм башкалар Кукмарага килделәр. Алар оешманың Кукмара җирле бүлеге вәкилләренә махсус билге һәм император правослау Палестин җәмгыяте таныклыкларын тапшырдылар. Очрашу сорауларга җаваплар бирү белән үрелеп барды, киләчәккә максат һәм бурычлар билгеләнде. Соңыннан кунаклар, киез итек-киез комбинаты, металл савыт-сабалар заводында экскурсиядә булып, җитештерү процессы белән таныштылар.

Фото: Рушан КАШАЕВ