Кукмарага РФ Дәүләт Думасы депутаты Рөстәм Кәлимуллин килде
Ул халыкны кабул итте, «Теләкләр чыршысы» акциясендә катнашты.
Кукмарага эш сәфәре белән РФ Дәүләт Думасы депутаты Рөстәм Кәлимуллин килде. Ул район Советы бинасында халыкны кабул итү үткәрде.
Депутат район халкының сорауларын игътибар белән тыңлап, тиешле аңлатмалар бирде. Сораулар сөт бәяләре, аны турыдан-туры сөт комбинатларына илтү мөмкинлекләре турында иде. Кабул итү кысаларында яңгыраган мөрәҗәгатьләрне депутат игътибар белән тыңлады, үзенең фикерләрен җиткерде.
Аннан соң депутат район Мәдәният йортында «Теләкләр чыршысы» акциясендә катнашып, Кукмарадан Руслан Грудининга Кыш бабай бүләге — планшет тапшырды.
«Баламның күңелен күреп, шундый истәлек бүләге биргән өчен рәхмәтемне белдерәм. Руслан акыллы, кызыксынучан, бар нәрсәне аңлый, планшетка бик кызыга иде, рәхмәт яусын. Русланга 11 яшь. Аны өйгә килеп укыталар. Мөмкинлекләре чикле балалар өчен Кукмараның үзендә коррекция мәктәбе булдырылса, спорт белән шөгыльләнү өчен махсус тренерлар эшләсә, без — үзенчәлекле балалар тәрбияләүче әти-әниләр бик сөенер идек. Җитәкчеләр әлеге сорауларга да игътибар итсеннәр иде», — диде әнисе Алсу.
фото: Ризилә Корбанова/ «Хезмәт даны»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев