Фото: Кукмарада ЮХИДИ хезмәткәрләре мәктәп укучылары белән очрашты

“Караңгыда күренә торган бул” акциясе кысаларында, бүген район дәүләт автоинспекциясе хезмәткәрләре “Юл хәрәкәте иминлеге” оешмасының район бүлеге җитәкчесе Елена Яковлева белән беренче гимназиядә булдылар. Алар укучыларның киемнәрендә һәм сумкаларында яктылыкны кире кайтаручы элементларның булуын тикшерделәр. ЮХИДИ инспекторы Рөстәм Нуриев гимназия укучылары белән юл йөрү кагыйдәләре турында профилактик әңгәмә үткәрде. Шулай ук балаларга “юл тозаклары”, киемнәрдә яктылыкны кире кайтаручы элементларның мөһимлеге турында сөйләделәр. Акцияне үткәрүдә гимназиянең яшь инспекторлар отряды зур ярдәм күрсәтте.