Кукмарада укытучыларның һөнәри бәйрәмнәре уңаеннан бәйрәм булды (фото)

Анда район башлыгы Сергей Димитриев та катнашып, районыбызның педагог-укытучыларын бәйрәм белән тәбрикләде. Аларга эшләрендә уңышлар теләп, киләчәк буынны тәрбияләүдә хезмәтләренең зур булуын билгеләп үтте. Район мәгариф идарәсе җитәкчесе Роберт Мансуровлар та укытучыларга үзенең изге теләкләрен җиткерде.

Һөнәри бәйрәм - ул иң яхшыларны бүләкләү өчен бер сәбәп тә булып тора. Бүгенге бәйрәмдә дә бүләкләнүчеләр бик күп иде: балаларга белем һәм тәрбия бирүдә күп көч куйган мәгариф хезмәткәрләре, ветераннар.

Бәйрәм кунакларын күппрофильле лицей һәм Кукмара сәнгать мәктәбе укучылары матур чыгышлары белән сөендерде.

Алсу ГАТАУЛЛИНА тексты һәм фотосы