Кукмарада «Такси» операциясе бара

11 гыйнвардан 20 гыйнварга кадәр республикада «Такси» оператив-кисәтү операциясе узачак. Бу турыда Кукмара районының Юл хәрәкәте иминлеге дәүләт инспекциясендә хәбәр иттеләр.

Операция барган чорда лицензиясе булмаган, теркәлмәгән килеш такси хезмәте күрсәтүче шоферлар аерым контрольгә алыначак. «Шулай ук тикшерү барышында транспортның техник торышына, путевой лист булу-булмауга да игътибар итәчәкбез. Такси хезмәте күрсәтүче чит ил гражданнары да тикшерүдән читтә калмаячаклар», - ди ЮХИДИ начальнигы Фирдүс Фәхретдинов.

Фото: Эльвира Мөбарәкшина/ «Хезмәт даны»