Кукмарада балигъ булмаганнар арасында хокук бозу һәм җинаятьчелекнең торышы турында сөйләштеләр

Район Мәдәният йортында “Кукмара муниципаль районында балигъ булмаганнар арасында хокук бозулар һәм җинаятьчелекнең торышы” дигән темага киңәйтелгән утырыш узды. Анда район прокуроры, хокук сагында торучылар, авыл җирлеге башлыклары, белем бирү һәм мәдәният учреждениесе вәкилләре, социаль яклау өлкәсендә хезмәт куючылар чакырылган иде. Киңәшмәне район башлыгы Сергей Димитриев алып барды.

Утырышта күппрофильле лицей директоры Любовь Камалова, Кукмара 3нче урта мәктәбе директорының тәрбия эшләре буенча урынбасары Гөлшат Шәймарданова, Урта Комар урта мәктәбе директоры Владимир Михайлов, район социаль яклау бүлеге начальнигы Светлана Җамалиева, район ЮХИДИ начальнигы Фирдүс Фәхретдинов, “Юл хәрәкәте иминлеге” учреждениесенең территориаль идарә профилактикасы бүлеге начальнигы Елена Яковлева, район эчке эшләр бүлеге начальнигы Рамил Нургалиев, район прокуроры Ришат Шакировлар чыгыш ясады.

фото: Алсу Сәләхетдинова/ "Хезмәт даны"