Кукмарада агач үсентеләре утыртылды (+Фото)

"Көзге шәфкатьлелек атнасы - игелекле эшләр эстафетасы" акциясе кысаларында бүген поселокта агач үсентеләре утыртылды. Әлеге изге эшкә район Советы һәм Башкарма комитет хезмәткәрләре дә бик теләп кушылды. Алар район җитәкчесе Сергей Димитриев белән берлектә поселокның "Йолдызлык" балалар бакчасының әйләнә-тирәсенә туя, ак чыршы һәм яфраклы агач үсентеләре утырттылар.

-Агач утырту - изге гамәл. Кукмараны яшелләндерүдә үз өлешебезне кертә алуга без бик шат, - диләр агач утыртучылар. Яшеллек ул беркайчан артык булмый. Ныгып, үсеп кенә китә алсыннар...