Кукмара телевидениесе «Креатив караш өчен» махсус номинациясендә җиңү яулады

Түбән Камада өченче мәртәбә республикакүләм «Кама бризы» төбәк телекомпанияләре фестивале уза. Сюжетлар әзерләгәндә креатив якын килеп эшләгән өчен «Кукмара ТВ» телекомпаниясе «Креатив караш өчен» махсус номинациясенә лаек булды.

Диплом һәм статуэтка шушы көннәрдә Түбән Камада уза торган «Камский бриз» фестивале вакытында тапшырылды. Анда «Хезмәт даны» редакциясенең телерадиотапшырулар буенча баш мөхәррир урынбасары Алмаз Ярмиев һәм «Кукмор ТВ» хәбәрчесе Миләүшә Хаҗиева катнаша.