Кукмара районында тәүлек эчендә Covid-19 белән зарарлануның 5 яңа очрагы расланган

Кукмара районында соңгы тәүлек эчендә Covid-19 белән зарарлануның биш яңа очрагы ачыкланган. Татарстан буенча барлыгы 32 яңа очрак расланган. Бу хакта коронавирус буенча оператив штаб хәбәр итә, дип яза «Татар-информ».

8 кеше хастаханәгә урнаштырылган, 24 кеше өйдә дәвалана. Барлык очраклар да элемтә нәтиҗәсендә.

Казанда коронавирус йоктыруның 20 очрагы ачыкланды, Кукмара районында – 5, Балтач, Биектау, Яшел Үзән районнарында – 2, Саба районында – 1.

Татарстанда бу бөтен вакыт эчендә 5093 Covid-19 очрагы теркәлгән, 3948 кеше терелгән.

Фото: «Татар-информ»