Кукмара районында сайлау участоклары ачылды

Бүген Россия Федерациясе Федераль Җыенының сигезенче чакырылыш Дәүләт Думасына депутатлар сайлау башланды. Районыбызның 73 сайлау участогы комиссияләре иртәнге сәгать 8дән эшкә кереште. Быелгы сайлауларда исемлеккә 39313 райондашыбыз теркәлгән, шуларның 524е - беренче тапкыр тавыш бирүчеләр.
Районыбызның Ош.Юмья, Кәркәвеч, Ятмас Дусай, Лубян, Нырты, Туембаш, Югары Чура, Поч. Кучук җирлекләрендәге ун округ буенча җирле депутатлар да сайлана.
Сайлау 18, 19 сентябрьдә дә дәвам итәчәк.

фото ИА "Татар-информ"