Кукмара районында коронавирус инфекциясе белән зарарлануның яңа очраклары ачыкланмаган

Кукмара районында Covid-19 белән зарарлануның яңа очраклары ачыкланмады. Бу турыда район үзәк дәваханәсенең баш табиб урынбасары Руслан Димитриев хәбәр итте.

«Бүгенге көндә районда коронавирус инфекциясе белән зарарлануның яңа очраклары ачыкланмады. 231 кеше карантинда булуларын дәвам итә», - диде Руслан Димитриев.

Татарстанда коронавируска каршы көрәш буенча оперштаб мәгълүматларына караганда, бүген республикада Covid-19 белән зарарлануның 71 яңа очрагы теркәлгән. 7 кеше сәламәтләнгән. Күрше Балтач районында – биш, Арча һәм Сабада икешәр кешенең коронавирус белән зарарлануы ачыкланган. Әлеге периодта 57 кеше сәламәтләнгән һәм дәваханәдән чыгарылган.
 

фото: Рамиль Гали