Кукмара районында коронавирус белән зарарлануның бер яңа очрагы ачыкланган

Кукмара районында соңгы тәүлектә Covid-19 белән зарарлануның 1 очрагы, ә Татарстан буенча 40 яңа очрак расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 18 кеше хастаханәгә озатылган, калган 22 кеше өендә дәвалана. Барысы да элемтә юлы белән зарарлану очраклары.

Авыручыларның күбесе Казан шәһәрендә – 18, Яр Чаллыда – 8, Түбән Кама районында – 3, Питрәч районында – 2, Әтнә, Югары Ослан, Биектау, Яшел Үзән, Кукмара, Норлат, Балык Бистәсе, Саба, Тәтеш районнарында – берәр очрак.

Татарстанда бүгенге көнгә кадәр барлыгы Covid-19ның 4271 очрагы расланган, 3108 кеше савыккан.

фото: «Татар-информ»