Кукмара районында 82 кеше карантинда

Бүгенге көндә Кукмара районында 82 кеше карантинда. Коронавирус инфекциясе белән зарарлануның яңа очраклары ачыкланмады. Бу турыда район үзәк дәваханәсенең баш табиб урынбасары Руслан Димитриев хәбәр итте.

Татарстанда коронавируска каршы көрәш буенча оперштаб мәгълүматларына караганда, бүген республикада Covid-19 белән зарарлануның 75 яңа очрагы теркәлгән.

Иң күп зарарланучылар Казанда – 35 кеше. Лаеш районында – 11, Питрәч районында – алты, ә Яр Чаллыда 4 яңа очрак теркәлгән.

Әгерҗе, Арча, Баулы, Буа, Биектау, Чүпрәле һәм Тәтеш районнарында - берәр авыручы. Аксубай районында – ике, Сарманда – өч, Түбән Кама районында 7 кеше коронавирус инфекциясе йоктырган.

фото: Рамиль Гали