“Хезмәт даны” газетасы “Үлемсез полк” акциясендә катнашырга чакыра

Тиздән 9 май – Җиңү бәйрәме җитә. Бу көнне без илебез азатлыгы өчен гомерен биргән батырларыбызны искә алабыз, ветераннарыбызга хөрмәт күрсәтәбез. Барлык шәһәрләр буенча “Үлемсез полк” узачак. Әйдәгез, газетабыз битләрендә дә “Үлемсез полк” акциясе оештырып, сугышта катнашкан әтиләребезне, бабайларыбызны, туганнарыбызны искә алыйк! Алар турында кыскача мәгълүмат белән фотографияләрне газетаның hezmat_dani@mail.ru электрон адресына юллый яки редакциягә китерә аласыз. Алар, үлемсез полк булып, газета битләренә мәңгелеккә кереп калсыннар.

фото: kukmor-rt.ru