Хезмәт даны

Кукмара районы

18+
Рус Тат
2024 - Гаилә елы
Көн темасы

Фоторепортаж: Кукмарада 38 бала “Мәктәпкә барырга ярдәм ит” акциясе кысаларында портфельләр алды

Быел беренче сыйныфка барачак барлыгы 123 балага әлеге акция кысаларында ярдәм күрсәтелде.

Бүген шәһәребезнең үзәк мәйданында аз тәэмин ителгән гаиләдә тәрбияләнүче 38 балага “Мәктәпкә барырга ярдәм ит” республика акциясе кысаларында мәктәп кирәк-яраклары тутырылган портфельләр, шулай ук тәм-томнар тапшырылды. Быел беренче сыйныфка барачак барлыгы123 балага әнә шундый ярдәм күрсәтелде. 

“Мәктәпкә барырга ярдәм ит” республика хәйрия акциясе, 2007 елдан башлап, 1 сентябрь алдыннан үткәрелеп килә. Бу акция кысаларында предприятие һәм оешма җитәкчеләре беренче сыйныфка барачак балаларга мәктәп кирәк-яраклары алуда ярдәм итәләр. Шунысы мөһим бит: якты бәйрәм - Белем көнендә алар кимсенү тойгылары кичермәсеннәр. 

Район башлыгы Сергей Димитриев бу чарага килгән ата-аналарны һәм балаларны тәбрикләде һәм оешма һәм предприятие җитәкчеләренә әлеге акциядә актив катнашулары өчен рәхмәт белдерде. 
- Шунысы сөенечле, бу матур традиция елдан-ел үсеш ала, - диде ул. – Җитәкчеләр “Мәктәпкә барырга ярдәм ит” акциясенә зур өлеш кертәләр. Киләчәктә дә сез дә бу чарадан читтә калмассыз, дип ышанам, һәм без нәни кукмаралыларга мәктәпкә лаеклы әзерләнергә ярдәм итәчәкбез. 
7 яшьлек Тимофей Демьянов хоккейчы булырга хыяллана, “Олимп” Боз сараенда шөгыльләнә. Быел күппрофильле лицейга беренче сыйныфка барачак. 

- Мондый акцияләр үткәрелү бик яхшы, - ди әнисе Лилия ханым. – Без балаларыбызгә бүләкләр тапшыручы, битараф булмаган иганәчеләр булуына сөенәбез. Балалар бик шат, мәктәпкә бару теләкләре тагын да артты. 

Янсыбы авылыннан Нурсилә Әхмәтованың ике баласы бар. Икенчесе беренче сыйныфка барачак. 

- Бүген безнең өчен шатлыклы көн. Бирегә җыелган ата-аналар һәм балалар исеменнән район җитәкчелегенә , иганәчеләргә рәхмәт белдерәм. Безгә бүләк ителгән мәктәп кирәк-яраклары зур ярдәм булып тора. Балаларыбыз тырышып укырлар һәм безнең өметләрне акларлар, дип ышандырабыз.

фото: Эльвира Миннәхмәтова, "Хезмәт даны"

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз


Галерея

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

erid: 2VtzqxWHLUk
2
X