Дүшәмбе киңәшмәсе булды

Район башлыгы Сергей Димитриев үткәргән дүшәмбе киңәшмәсендә авыл хуҗалыгында сөт җитештерүне арттыру, язгы кыр эшләрендә катнашачак техника ремонтын тизләтү, фермер хуҗалыкларын үстерү, авылларда халыкның үзмәшгульлеген булдыру турында сөйләшенде. Социаль тармакта исә Яңа елга хәзерлек чаралары беренче планда тора. Поселок һәм авылларны бизәү, балаларга Яңа ел күчтәнәчләре тапшыру, бәйрәм вакытында куркынычсызлык чаралары күрү, каникулларны оешкан төстә үткәрү бурычы куелды. Шулай ук һәр тармакка яшь белгечләрне җәлеп итү, алар өчен яшәү шартлары булдыру мәсьәләсе күтәрелде.