Быел җәйге чорда Кукмарада 270 яшүсмер эшкә урнаштырылды

Район хезмәт һәм мәшгульлек үзәге директоры Әсхәт Җиһаншин:

- Без район мәгариф идарәсе, белем бирү учреждениеләре белән тыгыз элемтәдә торып эшлибез. Узган ел 1715 яшүсмер һәм яшь кешегә һөнәр сайлау юнәлешендә хезмәт күрсәттек. Үзәк белгечләре укучыларга һәм яшьләргә елга берничә тапкыр хезмәт базарында нинди һөнәрләрнең кирәк булуы хакында презентацияләр үткәрәләр, әңгәмә, тест һәм тренинглар уздыралар. 14-18 яшьлекләрне җәйге чорда эш белән тәэмин итү максатында узган ел – 470, ә быел 270 егет һәм кыз эшкә урнаштырылды. Алар килешү нигезендә районыбызның оешма-предприятиеләрендә хезмәт куйдылар. 

фото: архив, Лилия Нургалиева/ "Хезмәт даны"