2018 елда районда “Кукмара” юл төзелеш-ремонт участогы башкарган эшләр

Муниципаль юл фонды буенча (21 миллион 600 мең сум) Кукмараның Магистральный урамына - 980 метр асфальт, Иске Юмья авылының Үзәк урамына 1,5 чакрым вак таш җәелде.

“Районда юл-урам челтәрен ремонтлау” программасы буенча (20 миллион 371 мең сум) Купканың Советская урамына - 1,8 чакрым, Югары Чураның Мирная урамына - 400 метр, Яр буе урамына 600 метр салынды, Ядегәрнең Гагарин урамына 520 метр комлы вак таш катнашмасы салыначак.

“Торак пунктларда асфальт-бетон  юл-урам челтәрен ремонтлау” программасы буенча (25 миллион сум) Кукмараның Степан Разин урамына 1,7 чакрым асфальт җәелде. Акчалар калган очракта, Сәйдәшев урамын ремонтлау өчен тотылачак.

“Автомобиль юлларын реконструкцияләү федераль-максатчан программа”сы буенча Ятмас-Дусай-Шепшеңәргә 2,87 чакрым юл салына, бәясе 93 миллион сумга якын.

“Автомобиль юллары төзү” программасы буенча (40 миллион сум) Яңа Чәбия-Түбән Арбашка 2,7 чакрым юлга асфальт түшәләчәк.

“Автомобиль юлларын ремонтлау” программасы буенча Өлге-Ныртыда (20 миллион сум) - бер чакрым, Мамадыш-Кукмара беренче участогында (40 миллион сум) - ике чакрым, Мамадыш-Кукмара икенче участогында (5 миллион 600 мең сум) 500 метр юл төзекләндерелә.

фото: Ризилә Корбанова