Кукмара 4нче урта мәктәбе укытучысы Татарстан Республикасында «Россия ел укытучысы» конкурсының муниципаль этабында җиңүче булды
Кукмарада «Россия ел укытучысы» конкурсының муниципаль этабына йомгак ясалды.
Кукмарада тантаналы рәвештә Татарстан Республикасында «Россия ел укытучысы» конкурсының муниципаль этабында җиңүчеләр бүләкләнде.
Муниципаль этапның җиңүчесе булып, Кукмара 4нче урта мәктәбенең рус теле һәм әдәбияты укытучысы Резеда Байметова танылды.
«Җиңү өчен ниндидер стимул кирәк. Минем өчен укучыларым, аларның әти-әниләре һәм төрле яклап ярдәм иткән командам шундый этәргеч булды. Конкурсның зона этабында да районны лаеклы рәвештә тәкъдим итәрмен дип ышанам», - диде ул, кичерешләре белән уртаклашып.
Резеда өчен иң мөһиме - балалар һәм, гомумән, мәгариф системасы өчен файдалы булу. «Василий Ключевский: “Яхшы укытучы булу өчен, укыткан фәнеңне һәм укучыларыңны яратырга кирәк”, - дигән. Шуңа күрә безнең һөнәребездә иң мөһиме - балаларга карата мәхәббәт», - дип ассызыклады Резеда Байметова.
Җиңүчедән тыш, Татарстан Республикасында «Ел укытучысы» Бөтенроссия конкурсының зона этабында шулай ук «Педагогик дебют» номинациясендә призер, Манзарас урта мәктәбе укытучысы Ранис Хисанов һәм «Россия ел укытучысы» конкурсы җиңүче, 3нче урта мәктәп укытучысы Ләйсән Ганиева барачак.
Чарада шулай ук конкурста катнашучыларны, лауреатларны, төрле номинацияләрдә җиңүчеләрне бүләкләделәр.
Фото: Эльвира Иванова/ «Хезмәт даны»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев