“Язмыш” драмасы - Байлангар сәхнәсендә (+фото)

Байлангар мәдәният йортында эшләүче драма түгәрәге коллективы Данил Салиховның "Язмыш" драмасын сәхнәләштереп тамашачыларга тәкъдим итте. Әсәрдә сүз Әфган сугышыннан яраланып кайкан Нәсимнең язмышы турында бара. Әлеге рольне авылның мәдәни тормышында актив катнашучы, 2010 елда "Кукмара кышы" татар җыры фестиваленең Гран-при иясе Алмаз Харисов күңелләргә үтеп керерлек итеп башкарды. Мәдәният хезмәткәрләре Минзәлия Әглиуллина, Альбина Гайфуллина, Вәфирә Фәйзриева, авыл үзэшчәннәре Зөлфия Галиахметова, Нурзат Абдуллин, Әлфинә Хисамиева, Гүзәл Кәримуллиналар да үз рольләрен оста уйнадылар.

Коллектив спектакльне якын-тирә авылларның тамашачыларына да тәкъдим итәчәк.