“Язгы җиңү” конкурсының Гран-при иясе Әлфинур Юнысова булды

Үзешчән композитор Илгиз Зарипов оештырган "Язгы җиңү" җыр фестиваль-конкурсы Зур Кукмара авылы мәдәният йортында зур оешканлык белән үтте. Әлеге конкурста төрле яшьтәге 35 жырчы-биюче катнашты. Танылган җырчы, якташыбыз Вадим Захаров җитәкчелегендәге жюрига җиңүчене билгеләү җиңелләрдән булмады. Гран-прига Кукмарадан Әлфинур Юнысова лаек булды.

Роза Фәйзрахманова, Илсөяр Сираҗиева, Хатыйп Бәдретдинов, Фәрит Сәлахетдинов, Фәнил Ягудин, Гөлназ Гаянова, Рамил Гозәеров, Габдрахман Һадиев, Эдуард Асапов, Кәримулла Искәндәровлар фестивальдә лауреат исемен алдылар. Конкурста җиңүчеләргә иганәчеләрнең бүләкләре тапшырылды.