“Тылсым”да ял итүчеләр өчен әдәби сәгать уздырылды

Татар халкының бөек шагыйре Габдулла Тукайның тууына 130 ел тулуын каршылап, "Тылсым" тернәкләндерү үзәгендә ял итүче пенсионерлар өчен әдәби сәгать уздырылды. Кукмара үзәк китапханәсе хезмәткәре Тәскирә Сәлимова шагыйрьнең тормыш юлы һәм иҗаты турында сөйләде, шигырьләрен укыды, "Без Тукайлы халык" дигән китап күргәзмәсе белән таныштырды. Әлеге чарада районыбызның үзешчән шагыйрәләре Кәүсәрия Галиуллина, Мәгьмүрә Мәрданова катнашып, үзләренең иҗат эшләрен тәкъдим иттеләр. Әлеге чара "Туган тел" җырын башкару белән тәмамланды.