Район башлыгы Сергей Димитриев: “Һәр тавыш артында - киләчәгебез”

(Кукмара, 18 сентябрь, "Хезмәт даны", Алсу Идрисова). Инде алда әйтеп үтелгәнчә, бүген Россия Федерациясе Дәүләт Думасына депутатлар сайлыйбыз. Районыбызның кайсы гына сайлау участогын алсак та, халыкның актив, бердәм булып үз тавышын бирергә килүен күрәбез. Район башлыгы Сергей Димитриев поселокның Нур Баян урамы, 40 йорт (Кукмара өченче урта мәктәбе) адресы буенча урнашкан 1669нчы номерлы сайлау участогына үзенең тормыш иптәше Виктория, олы кызы Дарья белән килде.

-Сайлауларга бару - һәркемнең гражданлык бурычы. Илебезнең киләчәге, икътисади һәм сәяси үсеше сайлауда актив катнашып, тирән акыл һәм төптән уйлап тавыш бирү белән бәйле. Һәр тавыш артында - киләчәгебез тора. Шуның өчен битарафлык, салкын караш булмасын иде, - диде Сергей Димитриев.