Нормабашта балыкчылар өчен ярыш узачак

29 июльдә Кукмара районы Нормабаш авылы буасында IV төбәкара балык тотучылар ярышы була. Ярышның шарты - бары тик поплавоклы (тәләкәле) бер кармак белән генә тотарга. Урыннар ир-атлар, хатын-кызлар, мөмкинлекләре чикләнгән кешеләр арасында аерым билгеләнә.

Шул ук вакытта җиләк җыючылар өчен дә ярыш оештырыла. Иң күп җиләк җыйган өч кешене бүләк көтә. Тамашачылар өчен конкурслар, уеннар оештырыла. Әлбәттә, табында уха, җиләкле чәй булачак.

Балыкчылар ярышында катнашу өчен взнос олыларга - 150, балаларга 50 сум, җиләк җыючылар өчен - 50 сум.

Башлана 12.00 сәгатьтә.

Рәхим итегез!