“Нараткай”да спорт акциясе үтте (фото)

"Татарстан командасы" социаль проекты кысаларында "Нараткай"да ял итүче балалар белән "Тизрәк, биегрәк, көчлерәк" дигән чара үткәрелде. Аны район яшьләр эшләре һәм спорт, мәдәният идарәләре, "Зилант" спорт мәктәбе хезмәткәрләре оештырды. Чара барышында "Республика тасмасы", "Татарстан командасында бул" дигән акцияләр дә узды. Оештыручылар яшьләргә спорт, иҗат белән шөгыльләнү, сәламәт яшәү рәвеше алып баруның мөһимлегенә басым ясадылар. Яшь башкаручылар тарафыннан оештырылган концерттан соң һәркем "флеш-моб"ка кушылды. Спорт акциясе төп дүрт төр буенча ГТО нормалары тапшыру белән дәвам итте.

Фотолар Кукмара муниципаль районы сайтыннан.